Mga Expensive na Habits na Puwedeng Iwasan

[Kristoff]

Alam naman po natin na mahirap ang buhay ngayon kaya lahat ng perang kinikita natin ay dapat nating itabi o gamitin sa matalinong paraan. May ilan tayong mga mamahalin na habits na puwede natin isantabi, iwasan o palitan ng mas murang alternatibo. Ito po ang ilan sa kanila:

Pagpunta sa gym
Kadalasan, ang mga memberships sa gym ay sobrang mahal. Kung gusto mong makapag-exercise, gawin mo na lang ito sa bahay o mag-jogging ka na lang sa park. Puwede ka din mag-invest sa murang exercise equipment tulad ng kettle bell, weights at skipping rope.

Mani-pedi para sa babae
Imbes na pumunta sa salon para sa iyong manicure at pedicure, gawin mo na lang ito sa bahay. Konting praktis lang ang kailangan at magmumukhang "done by a professional" ang iyong mga kuko.

Pagkain sa labas
Sino nga naman ang may oras o sinisipag maghiwa ng ingredients, magluto ng pagkain at maghugas ng pinggan pagkatapos? Pero ang madalas na pagkain sa labas ay malaki ang naibabawas sa iyong budget. Mas mabuti pa na magluto ka ng mga putahe na gusto mong kainin, ilagay ito sa freezer at mag-reheat na lang as needed.

Kotse
Ang maintenance ng kotse ay mahal. Tandaan na kailangan mong bayaran ang insurance, tax, gas, parking at pagpapaayos kung ito ay nasira. Kung hindi mo kayang mabuhay na walang kotse, bawasan mo ang paggamit nito.

Kape
Huwag masyadong bumisita sa iyong suking Starbucks kasi mauubos talaga ang iyong sweldo. Kung kailangan mong uminom ng kape araw-araw, mag-brew ka na lang sa bahay o kaya mag-3-in-1 ka na lang.

Pag-inom
Hindi maiiwasan na minsan nagkakayayaan sa Happy Hour pagkatapos ng trabaho pero kung napapadalas ang pagpunta mo dito, hindi na ito maganda.

Facials
Tulad ng mani-pedi, mahal din ang facials kapag pinagawa mo ito sa salon. Mag-research ka ng DIY home facials at makakatipid ka ng malaking halaga.

Hair treatments
Isa pang kumakain ng porsiyento ng ating sweldo ay ang hair treatments mula sa mga salon, kabilang dito ang hair cuts, dye jobs at hot oil treatments. Kailangan mo ba talaga ito gawin every month?

Bagong hobby
Okay naman ang pagkakaroon ng bagong hobby pero minsan napapagastos ka nang malaki dahil sa equipment na kailangan mo. Magtanong at magresearch kung saan ka makakakuha ng murang gamit para sa iyong bagong hobby.

[Richardxx]

Yung iba sa ating mga kababayan hindi siguro kaya na hindi kumain sa labas. Ang hirap din na pagod ka na nga sa trabaho tapos magluluto ka pa oag-uwi mo. Hindi naman lahat afford ang katulong. At yung iba din hindi marunong magluto.

[Geoffer]

Dapat talaga mag-higpit na ng sinturon ngayon. Sabi nga nila (at naniniwala ako dito), every cent counts kaya kahit barya hindi ko isinasantabi na lang. Wala kang P100 kung wala kang piso o bente-singlko sentimos.

[Pamela Smith]

Hindi ko maintindihan kung bakit gusto ng mga tao ng kape sa Starbucks eh ang mahal mahal naman. Puro gatas, yelo at asukal pa. Mas okay talaga na ikaw na lang ang magtimpla ng sarili mong kape. At okay din naman yung kape sa office.

[Catherine Rodriguez]

I super agree Ms. Pamela. Mahal nga sa Starbucks.

Pero I can understand na mahirap nga naman na magluto pa after a long day at work. Kaya laking pasasalamat ko sa nag-imbento ng microwave at microwave dinners.

[parm]

mga babae lang gumawa ng ganyan =) ung gym lang sa boys. but thats true try to work out sa bahay, thats what i do. and about facials be contented what you have, natural beauty =)

[aljon]

Tama!! kelangan magTipid talaga ngayon, maraming nagugutom na, kaya kung di naman kelangan ang mga ganyan kelangan ng iwasan, mabubuhay ka naman ng maayos kagit hindo gawin ang mga yan!! =)

[rosendo]

Totoo naman na mahirap na hindi kumain sa labas pero kung madalas na man ang pag kain mu sa labas ay dapat ay bawasbawasan muna...Masarap din naman kumain sa bahay lalo na kung ang iyong special someone ang nag prepare ng food..Din kung gym lang pag-uusapan ay maraming paraan kung paano mag exercise na hndi ka napapamahal...diba??

hehehe

[jazz]

eh dpat tlagang iwasan ang mga ganitong hahits eh mas marami nman jan alternative n paraan at mas mura pa

[Janet Mcgill]

Yes we really have to save money. Para meron tayo madudukot sa panahon ng kagipitan.